Повик за учество во коучинг програма за професионален развој на жени миленијалци

Дали сте жена миленијалец на возраст од 25 до 40 години, која сака повеќе од својата кариера? Амбициозна сте, посветена, и знаете дека имате уште многу што да дадете – само ви треба вистинската поддршка? Коучинг програмата на EmpoweRING M-Women in Industry, поддржана од Еразмус+, е создадена токму за вас.

Го знаете вашиот потенцијал, сега е време да го реализирате. Програмата ќе ви помогне да се фокусирате на клучни вештини што ќе ви отворат нови врати за кариера и успех.

Што ве очекува?

Започнуваме на 12 мај 2025 и се движиме низ неколку месечна програма со внимателно осмислени активности прилагодени на вашиот живот и професионални цели.

Програмата комбинира колективни и индивидуални активности кои ќе ви помогнат да ги развиете вашите меки вештини. Ќе имате можност да учите преку колективни интерактивни сесии, индивидуален коучинг и самостојно истражување, фокусирајќи се на професионалниот развој и вашите лични цели. Ќе добиете пристап и до дигитални ресурси и алатки кои ќе ви овозможат да учите во свое време и темпо.

Што добивате од оваа програма?

Програмата е осмислена да ви понуди алатки што веднаш ќе ги примените во вашата кариера. Ќе работите на:

• Развој на лидерски способности и меки вештини со фокус на асертивна комуникација и справување со конфликти во индустријата.
• Подобрување на комуникацијата и тимската работа преку развој на емоционалната интелигенција, што ќе ви помогне да се поврзете подобро со вашиот тим.
• Развивање на персонализиран план за напредок што ќе ви овозможи да се прилагодите на брзите промени во индустријата и да се подготвите за секој нов предизвик.
• Баланс помеѓу професионалниот и приватниот живот, за да не ја изгубите контролата над вашиот живот и кариера.
• Подобрување на вашиот личен бренд и вештините за презентирање, со што ќе се истакнете во секоја професионална ситуација.

И, можеби најважно од сè – ќе станете дел од поддржувачка заедница на жени од различни европски земји и индустрии, со кои ќе разменувате искуства и ќе растете заедно.

Кој може да учествува?

Ако сте жена миленијалец на возраст од 25 до 40 години, професионално активна, и сакате да вложите во себе – ова е вашата шанса.

Програмата дава предност на жени од индустријата и жени претприемачки.

Како да се пријавите?

Пополнете го онлајн формуларот најдоцна до 7 мај 2025 година: https://forms.gle/85KmMgJysQLZe83z5

Имате прашања? Слободно контактирајте не на: communication@mir.org.mk