MEDICA Healthcare Brokerage Event 2026 – Закажете B2B средби со меѓународни партнери на најголемиот светски здравствен саем
Од 16 до 29 ноември 2026 година ќе се одржи MEDICA Healthcare Brokerage Event 2026, меѓународен B2B настан за воспоставување деловни, технолошки и истражувачки партнерства во здравствениот сектор, организиран од Enterprise Europe Network (EEN) и NRW.Europa при ZENIT.
Настанот се одржува во рамки на MEDICA – водечки светски саем за здравствениот сектор, и им овозможува на компаниите, истражувачките организации, здравствените установи и инвеститорите да пронајдат потенцијални меѓународни партнери и да остварат однапред договорени 1:1 B2B состаноци.
Учесниците можат да избираат помеѓу состаноци во живо за време на MEDICA во Дизелдорф и онлајн состаноци преку B2Match платформата.
Кој може да учествува?
- Настанот е наменет за:
- Компании од областа на медицинската технологија
- Даватели на услуги во областа на дигиталното здравство
- Биотехнолошки и дијагностички компании
- Болници и здравствени организации
- Универзитети и истражувачки институти
- Стартапи и scale-up компании
- Инвеститори и организации за поддршка на иновации
Придобивки од учеството
- Преку однапред договорени B2B состаноци, учесниците ќе имаат можност да:
- воспостават контакти со потенцијални меѓународни партнери;
- истражат можности за деловна соработка и технолошки партнерства;
- пронајдат партнери за истражување и развој;
- се поврзат со компании, истражувачи и други чинители од здравствениот и иновативниот екосистем;
- идентификуваат нови можности за меѓународна соработка и развој на бизнисот.
Формат и датуми
Состаноци во живо:
16-18 ноември 2026
📍 NRW.Europa Booth, Joint NRW Pavilion, Hall 3 | Booth C80, Messe Düsseldorf
Онлајн состаноци:
19-29 ноември 2026
📍 Преку B2Match платформата
Учеството на настанот е бесплатно (влезницата за саемот MEDICA не е вклучена).
Регистрација
Заинтересираните компании и организации можат да се регистрираат и да креираат профил преку B2Match платформата: линк.
