DigitMak – нов Европски дигитален иновациски хаб

Проектот European Digital Innovation Hub – DigitMak, кој започна со имплементација овој месец, претставува значаен исчекор кон позиционирање на Македонија како активен чинител во европската дигитална економија. Во рамки на почетните активности, беше одржан и конзорциумски состанок на партнерите, со што се поставија темелите за координирана и амбициозна имплементација.

DigitMak претставува модерен Европски дигитален иновациски хаб кој обединува експертиза, инфраструктура и мрежи преку здружување на DigitMak Hub во Скопје и SEEU TechPark Hub во Тетово. Оваа синергија овозможува создавање на единствена платформа која ќе обезбеди национална покриеност и директна поддршка за бизнисите и јавниот сектор, со посебен фокус на регионите надвор од главниот град.

Во време кога примената на вештачка интелигенција станува клучен фактор за конкурентност, DigitMak ќе функционира како едношалтерски центар (one-stop shop) преку кој компаниите и институциите ќе добијат пристап до најсовремени технологии, знаење и експертска поддршка.

DigitMak носи конкретни, практични и лесно достапни услуги кои се директно насочени кон потребите на компаниите:

• Test before Invest – можност компаниите да тестираат нови дигитални и AI решенија пред да инвестираат, намалувајќи го ризикот и зголемувајќи ја сигурноста во одлуките
• Обуки и развој на вештини – специјализирани тренинзи за вработени, менаџери и технички кадар, со цел подигнување на дигиталната писменост и AI компетенциите
• Поддршка за пристап до финансии – помош при поврзување со инвеститори, грантови и европски фондови
• Вмрежување и пристап до иновациски екосистеми – поврзување со домашни и европски партнери, истражувачки центри и технолошки компании

Со овие услуги, DigitMak ќе им помогне на компаниите да станат поконкурентни, поефикасни и подготвени за дигиталната иднина.

Посебна вредност на DigitMak е неговиот засилен фокус на вештачката интелигенција (AI). Хабот ќе обезбеди:

• поддршка за воведување AI решенија во бизнис процесите
• пристап до експерти и инфраструктура за тестирање
• AI help desk како прва линија на поддршка за компании и институции
• насоки за усогласување со европските регулативи

Преку ова, DigitMak активно ќе придонесе за побрзо прифаќање на AI во клучните сектори, како и за развој на одржлив и инклузивен дигитален екосистем.

Проектот е поддржан од реномиран конзорциум составен од академски институции, стопански комори и организации за поддршка на бизнисот:

• Универзитет „Св. Кирил и Методиј“ во Скопје – координатор
• Универзитет на Југоисточна Европа, Тетово
• Стопанска комора на Северна Македонија
• Бизнис-технолошки акцелератор УКИМ ДОО Скопје
• Бизнис и иновациски центар Тетово
• Фондација за менаџмент и индустриско истражување
• Центар за развој на Полошки плански регион
• Стопанска комора на Северозападна Македонија

Како придружен партнер, вклучена е и Агенцијата за иновации, научно-технолошки развој и претприемништво, која ќе придонесе кон зајакнување на врските со националниот иновациски систем.

DigitMak не е само проект – тоа е платформа за трансформација, која ќе им овозможи на компаниите и институциите во Македонија да чекорат во чекор со европските и глобалните трендови. Преку пристап до знаење, технологии и мрежи, хабот ќе создаде услови за побрз раст, иновации и одржлив развој.

Со DigitMak, компаниите добиваат партнер кој ќе им помогне да ја претворат дигитализацијата од предизвик во можност.