Вебинар: Консултантски пристап за жени во индустријата – практични алатки за професионален раст

Консултантскиот начин на размислување одамна не е резервиран само за консултантите – тој претставува корисна и применлива вештина за секој професионалец. Преку овој вебинар ќе дознаете како алатките, принципите и структурираниот пристап од консултантската пракса можат да ви помогнат поефективно да комуницирате, да влијаете врз процеси и да донесувате подобри одлуки во индустриска средина.

Настанот е наменет за жени кои сакаат да ја зголемат својата професионална видливост, да добијат практични техники за решавање проблеми и да изградат одржлива кариера во индустријата.

Агенда 14.01.2026 (среда) 11:00-12:00 часот

11:00 – 11:10	Добредојдовте и запознавање со проектот „EMPOWERING“ – Миа Ботинова Димитрова, Фондација за Менаџмент и индустриско истражување
11:10 – 11:50	Консултантски пристап за жени во индустријата – Глигор Михаиловски, претседател на МКА 2000 и сертифициран менаџмент консултант во регионот на Западен Балкан
11:50 – 12:00	Прашања, одговори и отворена дискусија

На вебинарот ќе добиете:

• преглед на тоа што претставува консултантски начин на размислување и зошто е применлив во индустријата.
• алатки за структуриран пристап кон решавање проблеми и донесување одлуки.
• техники за јасно артикулирање идеи, предлози и аргументи.
• примери од консултантската практика релевантни за предизвиците со кои се соочуваат жените во индустријата.
• увид во улогата на професионалните мрежи и значењето на МКА 2000 за развој и поддршка.

Резервирајте го вашето место бесплатно и регистрирајте се на следниот линк.
Дознајте како консултантските вештини можат да ви помогнат да напредувате во индустријата!

Проектот EMPOWERING (EMPOWERING – EmpoweRING M-women in industry) е посветен на жените од милениумската генерација (родени помеѓу 1980 и 1995 година) кои работат во индустријата за производство, со мисија да ја поддржи нивната професионална едукација, унапредување на вештините и можностите за развој на кариерата. Нашата цел е не само да ја зајакнеме вашата позиција во индустријата, туку и да промовираме европска соработка и мрежно поврзување, кои се клучни за успех во денешниот свет.

Посебна карактеристика на проектот EMPOWERING е неговата посветеност на инклузивност и широка достапност. Сите резултати и ресурси на проектот се достапни на седум јазици (англиски, француски, македонски, италијански, полски, норвешки, украински) за да се осигура дека различен опсег на учеснички може да ги користи и да има придобивки од понудата на проектот. Овој повеќејазичен пристап значително го проширува влијанието на проектот, задоволувајќи ги потребите на жените од различни јазични средини и промовирајќи поинклузивна средина.

Проектот EMPOWERING е иновативна иницијатива, управувана од конзорциум на пет искусни европски организации, секоја со уникатна експертиза во образованието за возрасни, зајакнување на жените и нови технологии. Проектот се имплементира од страна на:

• IPRA/MEDEF од Франција
• Fundacja Digital Creators од Полска
• Confindustria Toscana Servizi од Италија
• European Centre For Women And Technology од Норвешка
• Фондација за менаџмент и индустриско истражување од Македонија