Вебинар: Од идеја до сопствен бизнис: Патот на една жена претприемач
Дали сте жена од милениумската генерација која сака да oснова сопствен бизнис во индустрискиот сектор, но не знаете од каде да почнете? Придружете ни се на претстојниот вебинар посветен на поддршка на жените кои сакаат да зачекорат во претприемачкиот свет и да изградат сопствен бизнис во индустрискиот сектор.
На вебинарот ќе добиете реални увиди во предизвиците и можностите што ги носи претприемништвото, како и практични насоки за градење самодоверба и креирање мотивирачка средина за личен и професионален развој. Нашите експерти ќе споделат лични искуства, практични совети и инспиративни приказни, со цел да ви помогнат да ги идентификувате и совладате чекорите кои водат до успешен сопствен бизнис.
Агенда 17.06.2025 (вторник) 11:00 – 12:00 часот
| 11:00 – 11:10 | Добредојдовте и запознавање со проектот „EMPOWERING“ – Габриела Костовска Богоеска, Фондација за Менаџмент и индустриско истражување |
| 11:10 – 11:25 | Консалтинг Интер Груп – Пенка Мукаетова |
| 11:25 – 11:40 | Април22 – Сања Лазаревска |
| 11:40 – 11:50 | Прашања и одговори и отворена дискусија |
Резервирајте го вашето место бесплатно и регистрирајте се на следниот линк:
https://us02web.zoom.us/webinar/register/WN_9h9sYK8jTuyayt0kMbJFww#/registration
Ова е вашата можност да се инспирирате, да се поврзете со истомисленички и да го направите првиот чекор кон реализација на вашите бизнис идеи!
Проектот EMPOWERING (EMPOWERING – EmpoweRING M-women in industry) е посветен на жените од милениумската генерација (родени помеѓу 1980 и 1995 година) кои работат во индустријата за производство, со мисија да ја поддржи нивната професионална едукација, унапредување на вештините и можностите за развој на кариерата. Нашата цел е не само да ја зајакнеме вашата позиција во индустријата, туку и да промовираме европска соработка и мрежно поврзување, кои се клучни за успех во денешниот свет.
Посебна карактеристика на проектот EMPOWERING е неговата посветеност на инклузивност и широка достапност. Сите резултати и ресурси на проектот се достапни на седум јазици (англиски, француски, македонски, италијански, полски, норвешки, украински) за да се осигура дека различен опсег на учеснички може да ги користи и да има придобивки од понудата на проектот. Овој повеќејазичен пристап значително го проширува влијанието на проектот, задоволувајќи ги потребите на жените од различни јазични средини и промовирајќи поинклузивна средина.
Проектот EMPOWERING е иновативна иницијатива, управувана од конзорциум на пет искусни европски организации, секоја со уникатна експертиза во образованието за возрасни, зајакнување на жените и нови технологии. Проектот се имплементира од страна на:
- IPRA/MEDEF од Франција
- Fundacja Digital Creators од Полска
- Confindustria Toscana Servizi од Италија
- European Centre For Women And Technology од Норвешка
- Фондација за менаџмент и индустриско истражување од Македонија
