IMG d65af2f753bc9a68ab6842b4244b5b04 V

Фондацијата МИР учествуваше на Apply AI Summit 2026 во Брисел – европски самит посветен на примената на вештачката интелигенција

На 17 ноември 2026 година, во Брисел, Белгија, се одржа Apply AI Summit 2026, значаен европски настан организиран од Европската комисија, посветен на забрзување на примената на вештачката интелигенција (AI) во стратешките индустрии и јавниот сектор. На самитот учествуваа Габриела Костовска Богоеска, извршна директорка на Фондацијата за менаџмент и индустриско истражување (МИР), и Емилија Андонова, програмска координаторка во Фондацијата МИР. Двете претставнички се дел од тимот на Европскиот дигитален иновациски хаб ДигитМак (DigitMak), кој работи на поддршка на дигиталната трансформација и примената на напредни технологии, вклучително и вештачката интелигенција во Македонија.

IMG 0bafcc2c0ec36a800592fbf476c68908 V
IMG d65af2f753bc9a68ab6842b4244b5b04 V

Настанот обедини претставници на европските институции, индустријата, истражувачката и иновациската заедница, стартап-компании и креатори на политики, со заедничка цел да се поттикне поширока, одговорна и ефективна примена на вештачката интелигенција во Европа. Apply AI Summit 2026 го одбележа првиот годишен јубилеј од усвојувањето на европската стратегија Apply AI Strategy, а воедно претставуваше и завршен настан на првиот Европски месец на иновации во вештачката интелигенција (European AI Innovation Month).

Во фокусот на самитот беа можностите за примена на доверлива, иновативна и човеково-ориентирана вештачка интелигенција за зголемување на конкурентноста на европската економија. Преку тематски панел-дискусии, презентации на практични решенија и интерактивни сесии, беа опфатени повеќе стратешки области, меѓу кои здравството, енергетиката, производството, мобилноста, јавната администрација, сајбер-безбедноста и развојот на работната сила.

Посебно внимание беше посветено на европската технолошка сувереност, безбедноста на вештачката интелигенција, регулаторната рамка и можностите за поттикнување иновации преку соработка меѓу јавниот и приватниот сектор. Во рамките на програмата беше вклучена и иницијативата Apply AI Startup Award, насочена кон препознавање и промовирање на иновативни европски стартап-компании кои развиваат решенија базирани на вештачка интелигенција.

Учеството на Фондацијата МИР на овој значаен европски самит претставуваше можност за следење на најновите европски политики и трендови во областа на вештачката интелигенција, размена на искуства и воспоставување контакти со релевантни чинители од европскиот иновациски екосистем.

IMG f100c9a2dbe9b5d1b61650490402f9d3 V

За Фондацијата МИР, ваквите настани имаат особено значење во контекст на нејзините активности насочени кон поттикнување на иновациите, дигиталната трансформација, развојот на претприемништвото и зајакнувањето на конкурентноста на компаниите. Преку активно учество во европските иницијативи и платформи за соработка, Фондацијата МИР продолжува да придонесува кон поврзување на локалниот иновациски екосистем со европските текови, промовирајќи одговорна примена на новите технологии и создавање можности за одржлив економски и општествен развој.

Повеќе информации за настанот: https://digital-strategy.ec.europa.eu/en/policies/apply-ai-summit

Добивај информации по е-пошта

Биди во тек со сите активности!