Вебинар за споделување на знаење
AI во 21-виот век: Дали ги руши стереотипите или ги засилува нерамноправностите?
Вештачката интелигенција (AI) брзо ги трансформира економиите, институциите и секојдневниот живот. Иако системите за AI често се претставуваат како неутрални и објективни, тие всушност се обликувани од човечки избори, општествени норми и историски податоци — вклучувајќи длабоко вкоренети родови предрасуди и структурни нерамноправности.
Фондацијата за Менаџмент и индустриско истражување, преку проектот POLICY ANSWERS: R&I Policy making, implementation and Support in the Western Balkans, организира вебинар за споделување на знаење каде ги повикува учесниците да разгледаат дали AI може да биде сила за позитивна промена или, пак, дали ризикува да ги засили стереотипите и дискриминацијата во огромни размери. Сесијата ги обединува експертите од индустријата, меѓународниот развој и управувањето со AI за да се испита како предрасудите навлегуваат во AI системите, зошто невидливите и скалабилни предрасуди се важни за бизнисот и општеството и како изгледа вклучувачки и одговорен AI во пракса.
Вебинарот не е замислен како еднонасочни презентации, туку како простор за споделување на знаење и дијалог помеѓу различни сектори. Преку кратки експертски излагања и модерирана дискусија, учесниците ќе размислуваат за клучните предизвици и можности во врска со родовата еднаквост, етиката и моќта во ерата на автоматизацијата.
Клучни теми за дискусија вклучуваат:
• Како општествените предрасуди се вградени во AI системите
• Економските и социјални трошоци од пристрасниот и неинклузивниот AI
• Улогата на политиката, индустријата и меѓународните организации во обликувањето на инклузивни AI екосистеми
• Одговорност на лидерството и важноста на AI писменоста во донесувањето одлуки
• Можности за дизајнирање фер и етички AI, особено во развојните и растечките контексти
За кого е наменет овој вебинар?
Овој вебинар е релевантен за:
• Политички креатори и професионалци во јавната администрација
• Бизнис лидери и технолошки практичари
• Истражувачи, едукатори и студенти
• Развојни професионалци и претставници на граѓанското општество
• Секој што е заинтересиран за етички, инклузивни и одговорни AI иницијативи
Резервирајте го вашето место – регистрирајте се сега: https://us06web.zoom.us/webinar/register/WN_Y9VQb9GzQc6feHp7_fvYow
Модератор
Габриела Костовска Богоеска
Проект POLICY ANSWERS, Фондација за менаџмент и индустриско истражување
Говорници
• Софче Јовановска, Генерален директор, Scalefocus Северна Македонија
• Александар Филипоски, Проектен соработник, UNIDO
• Ивана Бартолетти, Глобален шеф за приватност и управување со AI, Wipro
Предлог агенда
11:00–11:05 | Добредојде и поставување на контекстот
Модератор: Габриела Костовска Богоеска
• Добредојде на учесниците
• Цел на вебинарот и рамката на peer-learning пристапот
• Зошто родот, пристрасноста и вештачката интелигенција се важни денес
• Краток преглед на агендата и говорниците
11:05–11:20 | Вештачката интелигенција не е неутрална: Зошто ова е важно за бизнисот, политиките и општеството
Говорник: Софче Јовановска
• Вештачката интелигенција како одраз на општествените вредности, а не објективна вистина
• Како родовата пристрасност и стереотипите навлегуваат во AI системите
• Зошто невидливата и скалабилна пристрасност носи економски и социјални ризици
• Западен Балкан како стратешка можност за намалување на „пристрасност по дизајн“
• AI писменоста како одговорност на лидерството
11:20–11:35 | Инклузивна вештачка интелигенција и индустриски развој: Глобална перспектива
Говорник: Александар Филипоски
• Како меѓународните организации пристапуваат кон AI, инклузија и родова еднаквост
• Управување со AI, градење капацитети и одговорно усвојување
• Улогата на јавно-приватната соработка во обликување фер AI екосистеми
• Пренесување на глобалните рамки во практични развојни активности
11:35–11:50 | Одговорно управување со вештачката интелигенција: Етика, моќ и род во ерата на автоматизацијата
Говорник: Ивана Бартолети
• Динамиките на моќ зад развојот и примената на AI
• Род, демократија и човекови права во управувањето со AI
• Зошто одговорната AI оди подалеку од технички решенија
• Вградување на етика, отчетност и инклузија во процесите на донесување одлуки
11:50–12:00 | Прашања и одговори и завршни забелешки
