Вебинар- Европски мастерклас: Зајакнување на жените во индустријата – Претприемништвото како катализатор на промени
Во рамките на проектот EMPOWERING, чија цел е унапредување на знаењата и поддршка на жени од милениумската генерација во индустриските сектори, овoj Европски мастерклас нуди инспиративен и практичен простор за истражување на тоа како претприемништвото може да придонесе за зајакнување, иновации и лидерство на жените.
Иако жените во индустријата сè уште се соочуваат со бројни пречки за напредување и се недоволно застапени во улоги поврзани со иновации, претприемничкиот начин на размислување – без разлика дали во рамки на компанија или преку нови бизниси – претставува моќен инструмент за надминување на овие граници, градење самодоверба и создавање инклузивни индустриски екосистеми.
Во оваа 60-минутна онлајн сесија, проф. Томас Куни, водечки европски експерт и советник за претприемничко образование и инклузивно претприемништво, ќе сподели вредни сознанија за тоа како претприемничкиот начин на размислување може да ја трансформира улогата на жените во индустријата.
Преку европски искуства, меѓународни истражувања и реални примери, ќе бидат прикажани начини на кои програмите за надградување на вештини, како што е EMPOWERING, можат да ја зајакнат женската иновативност, учество и лидерство во индустриската економија.
Учесниците ќе:
• Разберат како претприемништвото делува како двигател на овластување и инклузија за жените во индустријата.
• Стекнат увид во политики и образовни практики што успешно ја поттикнуваат претприемничката способност на жените.
• Размислат како организациите и индустриските екосистеми можат да поддржат женско лидерство и иновации.
• Идентификуваат практични активности и начини на размислување за поттикнување инклузивен раст во рамките на сопствените институции и заедници.
Агенда 📅 02.12.2025 (вторник) 🕚 11:00-12:00 часот
| 11:00 – 11:10 | Презентација на проектот EMPOWERING и улогата на претприемништвото во зајакнување на жените. Претставување на предавачот. |
| 11:10 – 11:45 | Проф. Куни го истражува претприемништвото како патека за овластување на жените во индустријата, со европски примери и практични совети. |
| 11:45 – 11:55 | Разговор со учесниците за примената на научените лекции во национален и институционален контекст. |
| 11:55 – 12:00 | Клучни поенти, завршни размислувања и најава на следните активности во рамките на EMPOWERING |
🎟️ Резервирајте го вашето место бесплатно и регистрирајте се на следниот линк https://shorturl.at/4tigm
Вебинарот ќе биде на англиски јазик.
Проектот EMPOWERING (EMPOWERING – EmpoweRING M-women in industry) е посветен на жените од милениумската генерација (родени помеѓу 1980 и 1995 година) кои работат во индустријата за производство, со мисија да ја поддржи нивната професионална едукација, унапредување на вештините и можностите за развој на кариерата. Нашата цел е не само да ја зајакнеме вашата позиција во индустријата, туку и да промовираме европска соработка и мрежно поврзување, кои се клучни за успех во денешниот свет.
Проектот се имплементира од страна на:
- IPRA/MEDEF од Франција
- Fundacja Digital Creators од Полска
- Confindustria Toscana Servizi од Италија
- European Centre For Women And Technology од Норвешка
- Фондација за менаџмент и индустриско истражување од Македонија
