Придружете се на Националната инспиративна хаб мрежа: Простор за соработка за еднаквост во STEAM

Во образованието, истражувањето и ИТ секторот, многу професионалци се соочуваат со предизвици кои често остануваат незабележани: нерамномерна вклученост, родови стереотипи што влијаат врз самодовербата и интересите на младите девојки и жени, како и недостаток на поддршка за воведување поинклузивни практики и решенија. За да се одговори на овие предизвици, потребна е здружена акција и простор за размена на идеи, искуства и решенија.

Со таа цел, со задоволство ви ја претставуваме нашата Национална инспиративна хаб мрежа – онлајн заедница што ги обединува едукаторите, истражувачите, практичарите и сите заинтересирани страни кои работат на разградување на родовите стереотипи во STEAM.

Што претставува Национална инспиративна хаб мрежа?

Националната инспиративна хаб мрежа е динамична онлајн заедница која овозможува размена на знаење, споделување добри практики и заедничко учење. Преку вебинари, дискусии и тематски активности, хабовите ја поттикнуваат соработката меѓу STEM/STEAM заедниците и професионалците од различни сектори, со фокус на родова еднаквост, инклузивност и иновации.

Што се целите на Национална инспиративна хаб мрежа?

Преку своите активности, мрежата се стреми да постигне следните цели:

• Воспоставување на онлајн заедница посветена на развивање соодветни и контекстуално релевантни решенија;
• Организација на најмалку 6 вебинари по земја со цел јакнење на капацитетите на наставниците за справување со родовите стереотипи во образованието
• Споделување на експертиза, искуства и добри практики, како и промоција на резултати и настани од проекти
• Создавање простор за креативност, инспирација и заедничко дејствување

Зошто е важно?

Родовата еднаквост не се постигнува со изолирани активности или индивидуални напори. Потребна е поддршка, размена на искуства и колективна ангажираност. Со вклучување во Националната инспиративна хаб мрежа, добивате можност да влијаете на суштински промени во образованието и пошироко – во заедницата, институциите и секторите што ги обликуваат овие политики и практики.

Учеството на наставниците, експертите и практичарите е клучно за успехот на оваа иницијатива. Ве охрабруваме да го пополните краткиот формулар, со што ќе ни помогнете да ја обликуваме мрежата според вашите реални потреби.

Вашиот придонес ќе ни овозможи да развиеме содржини и активности кои се контекстуално релевантни и навистина корисни за регионот!