Одржана EWA обука за јавно говорење и решавање конфликти

Денес, 16 јули 2025 година, во рамки на програмата Empowering Women in Agrifood (EWA), поддржана од EIT Food и локално спроведена од Фондацијата за менаџмент и индустриско истражување, се одржа трансформативна обука на две теми од клучно значење за секоја жена лидер: јавно говорење и решавање конфликти.

Обуката беше наменета за 10-те избрани учеснички во овогодишната програма, жени со визија и капацитет да градат успешни бизниси. Сесиите беа водени од Ирена Јакимова и Александра Јанеска-Илиев, професионални обучувачки кои низ интерактивен пристап и практични вежби ги охрабрија учесничките да работат на личната самодоверба, комуникациски стил и конструктивно справување со предизвици.

Во првиот дел Јавно говорење и презентација, Ирена успеа да работи со учесничките на:

• Кратко и уверливо претставување пред група
• Структурирање на говор и јасна преносливост на пораката
• Подготовка – ментална и содржинска – за успешен настап
• Техники за справување со трема и градење присуство на сцена
• Практични вежби за говор на тело, дикција и глас
• Формулирање на акциски планови за идни јавни настапи

Во вториот дел Решавање конфликти, Александра успеа да работи со учесничките на:

• Лидерски вештини – разлика помеѓу менаџер и лидер
• Управување со тимови – градење доверба, ефективна комуникација и дефинирање јасни улоги
• Како да се препознаат различни типови конфликти во тим или деловна средина
• Зошто конфликтот не мора да биде негативен – туку шанса за раст
• Симулирани ситуации со учење преку играње улоги и групна анализа.

Обуката беше динамична, интензивна и енергична. Учесничките не само што добија практични алатки, туку и создадоа безбедна и поддржувачка средина за личен развој. Денот заврши со инспиративна размена на искуства и конкретни планови за примена на наученото во реални ситуации.

Ова беше уште еден чекор во градењето на самоуверени, одлучни и комуникациски вешти жени претприемачки – токму какви што ни требаат за да го променат агро-прехранбениот сектор на подобро. Денот беше исполнет со учење, размена на искуства и градење на заедништво. Учесничките заминаа со нови вештини, повисока самодоверба и јасна визија како да ги применат научените техники во своите бизнис-приказни.

👩‍🌾 Што всушност претставува програмата EWA?

Empowering Women in Agrifood (EWA) е европска програма која им помага на жените претприемачки во агро-прехранбениот сектор да ги развијат своите иновативни идеи – не само преку финансиска поддршка, туку и преку стручни обуки, менторска поддршка и можности за вмрежување. Програмата е насочена кон жени во рана фаза од претприемничка кариера, обезбедувајќи им пристап до релевантно знаење и контакти кои им се неопходни за развој на одржлив и успешен бизнис.

Локален партнер на програмата е Фондацијата за менаџмент и индустриско истражување (МИР) – фондација која активно работи на поттикнување на иновации, трансфер на технологии и унапредување на родовата еднаквост во претприемништвото и истражувањето. Преку своите активности, Фондацијата:

Истражува и иновира за поддршка на одржлив раст

Соработува со претпријатија за пристап до глобални пазари

Промовира еко-иновации и нови деловни можности

Поттикнува социјална кохезија и инклузивен развој

За првпат оваа година, програмата EWA се спроведува во Македонија токму преку Фондација за Менаџмент и индустриско истражување – чекор напред во поддршката на женското претприемништво и иновативниот агро-прехранбениот сектор.