Вебинар – Науката како патоказ: Добри практики во STE(A)M
Фондацијата за Менаџмент и индустриско истражување, во рамки на проектот STREAM IT, организира вебинар посветен на добрите практики во STE(A)M наменет за образовните и истражувачките институции (основно, средно и високо образование), невладините организации и сите девојки и млади жени во STE(А)M.
Вебинарот ќе отвори прашања за тоа како науката може да биде водилка во личниот и професионалниот развој, добрите практики кои веќе се применуваат во STE(A)M и ќе споделиме искуства и пристапи кои ја поттикнуваат инклузијата на девојките и младите жени во овие области, зајакнувајќи ја нивната самодоверба и мотивација. Дополнително, ќе дискутираме за научни постигнувања и практики од вселената кои можат да се пренесат и применат во образованието, истражувањето и секојдневниот живот.
Агенда 29.07.2025 (вторник) 11:00 – 12:00 часот
| 11:00–11:15 | Добредојде и запознавање со проектот STREAM IT – Фондација за Менаџмент и индустриско истражување |
| 11:15–11:45 | International Space Alliance (ISA) – Мартина Димоска |
| 11:45–12:00 | Прашања и одговори и отворена дискусија |
Резервирајте бесплатно место и регистрирајте се на следниот линк:
Науката како патоказ: Добри практики во STE(A)M
Проектот ST(R)E(A)M IT има за цел да иницира промени во однос на постојаните родови нееднаквости во STEM образованието, истражувањето и иновациите, со што ќе придонесе за спроведувањето на „Европскиот манифест за родово-инклузивно STE(A)M образование и кариери.“ Проектот има за цел да ги надмине бариерите и предизвиците со кои се соочуваат недоволно застапените групи во STEM. Фокусот е на развој на иновативни, родово и диверзитетно инклузивни алатки за едукација на младите, особено на девојчињата. Дополнително, проектот има за цел да ги мобилизира засегнатите страни од различни сектори на STEM образованието и екосистемот за истражување и иновации, за да создаде одржливи мрежи кои ќе обезбедат континуирана поддршка за STEM едукаторите.
