Креирање на младински политики

Овој курс претставува сеопфатен вовед во младинските политики, нивната улога во демократските процеси и активното учество на младите во општествениот живот. Курсот започнува со анализа на односот меѓу општеството, демократијата, политиката и младите, а потоа ги разгледува целите и значењето на младинските политики. Учесниците ќе се запознаат со клучните процеси, актери и правната рамка што го регулира младинскиот сектор, како и со индикаторите и стандардите за мерење на квалитетот на младинските политики. Преку вежби, квизови и практични ресурси, курсот обезбедува знаења за јавната застапеност, лобирањето и истражувачките методологии. Исто така, детално се обработуваат циклусот на креирање младински политики и процесите на нивен мониторинг и евалуација. Курсот завршува со инспиративни примери од Македонија и Европа, кои ја демонстрираат практичната примена и влијание на успешни младински иницијативи.