Вебинар – Добри практики во STE(A)M и идни можности во сајбер безбедноста
Како дел од проектот STREAM IT, ви го најавуваме третиот вебинар од серијалот на вебинар на Националната инспиративна мрежа (NIH), Добри практики во STE(A)M и идни можности во сајбер безбедноста, кој е наменет за образовните и истражувачките институции (основно, средно и високо образование), невладините организации и сите девојки и млади жени кои се заинтересирани за STE(А)M областите.
За време на вебинарот ќе бидат презентирани добри практики од областа на STEAM и сајбер безбедноста, како и стратегии за насочување и задржување на девојките во овие области. Особен акцент ќе се стави на кариерните можности што ги нуди сајбер безбедноста, збогатени со лични искуства и успешни приказни од овој секторот. Дополнително, ќе се разгледа родовиот јаз во STE(A)M областите и сајбер безбедноста и ќе се претстават пристапи за негово надминување, со цел создавање поинклузивна и праведна професионална и образовна средина.
Агенда 04.09.2025 (четврток) 11:00 – 12:00 часот
| 11:00–11:15 | Добредојде и запознавање со проектот STREAM IT – Фондација за Менаџмент и индустриско истражување |
| 11:15–11:45 | Women4Cyber North Macedonia – Љубица Пендароска Крстевска |
| 11:45–12:00 | Прашања и одговори и отворена дискусија |
Резервирајте бесплатно место и регистрирајте се на следниот линк: Добри практики во STE(A)M и идни можности во сајбер безбедноста
Проектот ST(R)E(A)M IT има за цел да иницира промени во однос на постојаните родови нееднаквости во STEM образованието, истражувањето и иновациите, со што ќе придонесе за спроведувањето на „Европскиот манифест за родово-инклузивно STE(A)M образование и кариери.“ Проектот има за цел да ги надмине бариерите и предизвиците со кои се соочуваат недоволно застапените групи во STEM. Фокусот е на развој на иновативни, родово и диверзитетно инклузивни алатки за едукација на младите, особено на девојчињата. Дополнително, проектот има за цел да ги мобилизира засегнатите страни од различни сектори на STEM образованието и екосистемот за истражување и иновации, за да создаде одржливи мрежи кои ќе обезбедат континуирана поддршка за STEM едукаторите.
