Придружете ни се на нашата бесплатна Обука за ИТ вештини!

Дали сте подготвени да ја започнете својата кариера во ИТ индустријата? Фондација МИР ве поканува на нашата практична „Обука за ИТ вештини“ како дел од проектот „ЦБЦ еквилајзер за пол и возраст на работните места“. На оваа 6-дневна програма што започнува на 17.10 (четврток), ќе имате можност да стекнете основни вештини и знаења неопходни за да напредувате во оваа динамична индустрија.

Предводена од д-р Мијалче Санта, професор на Економските факултет во Скопје, оваа програма е дизајнирана да ви овозможи сеопгатно разбирање на клучните трендови во ИТ индустријата.

Ќе се запознаете со концептите на самовработување и претприемништво во дигиталната ера, откривајќи како креативноста може да ве издвои во денешниот конкурентен пејзаж. Во текот на сесиите, ќе научите повеќе за дигиталниот маркетинг, односно промоцијата и успешните приказни кои ја илустрираат моќта на ефективниот маркетинг. Обуката ќе ги опфати и суштинските трендови во дигиталната ера, опремувајќи ве со стратегии за наоѓање на работа преку Интернет и професионално претставување на социјалните мрежи. Ќе научите за алатките неопходни да воспоставите сопствен бизнис на интернет, како и за новите можности за онлајн работа и придобивките од онлајн образованието.

Во текот на оваа програма, ќе имате единствена шанса да се поврзете со лидери во индустријата, кои ќе учествуваат како гости говорници, и кои ќе ги споделат своите непроценливи искуства и совети.

За да се здобиете и со практично искуство, на последниот ден ќе бидете дел од теренска посета на една од врвните компании во секторот. За време на оваа посета, ќе добиете редок пристап до нивните операции, ќе ја истражите најсовремената технологија и ќе може да дознаете повеќе за отворените работни места и програмите за практикантска работа што би можеле да ја започнат вашата кариера.

Дополнително, 20 од најактивните учесници ќе бидат избрани за менторски сесии по обуката. Ова е фантастична можност за оние кои целосно ќе се вклучат во програмата да добијат персонализирана поддршка и совети за започнување на нивната кариера. Изборот се базира на редовниот ангажман и присуство во текот на обуката!

На крајот на обуката, сите учесници ќе добијат СЕРТИФИКАТ, со што ќе се обезбеди официјално признание за стекнатите вештини и учество.

Бројот на учесници е ограничен, затоа погрижете се да го обезбедите вашето место уште веднаш. Пријавете се денес со пополнување на следниот формулар: https://forms.gle/H9M5jxC45GSV3FzN6  

Лице за контакт:
Миа Ботинова Димитрова – Комуникациски офицер
communication@mir.org.mk